የቆዳ እደ ጥበብ ዘርፍ የበለጠ በማነቃቃት ወጣቶችና ሴቶች ኢኮኖሚያዊ ተጠቃሚ ለማድረግ እየተሰራ መሆኑ የባህልና ስፖርት ሚኒስተር አስታወቀ።

Spread the love

መጋቢት 4/2016 ዓ.ም፡ የባህልና ስፖርት ሚንስትር ከማእከላዊ ኢትዮጵያ ክልል ባህል ቱሪዝም ቢሮና ከወልቂጤ ፖሊ-ቴክኒክ ኮሌጅ ጋር በመተባበር በቆዳ እደ ጥበብ ላይ ስልጠና እየሰጠ ይገኛል።

በስልጠና ማስጀመሪያው ላይ በባህልና ስፖርት ሚኒስትር የእደ ጥበብ ዘርፍ ስልጠናና አቅም ግንባታ ዴስክ ኃላፊ ወ/ሮ ታሪኳ ሀሰን፣ የማእከላዊ ኢትዮጵያ ክልል ባህል ቱሪዝም ቢሮ ምክትል ኃላፊ አቶ ደግነህ ቦጋለ፣ የጉራጌ ዞን ባህል ቱሪዝም መምሪያ ኃላፊ ወ/ሮ መሰረት አመርጋ እንዲሁም የወልቂጤ ቴክኒክና ሙያ ኮሌጅ ም/ዲን አቶ አጅመል መሀመድ ተገኝተዋል።

የስልጠናው ዋነኛ አላማ የቆዳ እደ ጥበብ ዘርፍን ማነቃቃት ሆኖ በስልጠናው የሚሳተፉ አካላት ከስልጠናው መጠናቀቅ በኋላ ተደራጅተው እና መነሻ ካፒታል ተመቻችቶላቸው ወደ ስራ በመግባት ራሳቸውንና ማህበረሰቡን እንዲጠቅሙ ታሳቢ ያደረገ ነው።

በአጠቃላይ በስልጠናው ላይ ከጉራጌ ዞን፣ ከየም ዞንና ከቀቤና ልዩ ወረዳ የተወጣጡ ከ30 በላይ ሴቶች ወጣቶችና አካል ጉዳተኞች የሚሳተፉ ሲሆን ለቀጣይ ተከታታይ 10 ቀናትም የሚሰጥ ይሆናል።

Leave a Reply

Your email address will not be published. Required fields are marked *